Երևանի ավագանու ընտրություններին հավատարմագրվել են 17 տեղական ՀԿ-­ի 5 138 դիտորդ և 32 ԶԼՄ-­ի 436 ներկայացուցիչ

Երևանի ավագանու 2017 թվականի մայիսի 14­-ին կայանալիք ընտրությունների ժամանակ դիտորդական առաքելություն իրականացնելու նպատակով հավատարմագրվելու կամ հավատարմագրված դիտորդների ցանկում փոփոխություններ (լրացումներ) կատարելու համար դիմումներ ՀՀ կենտրոնական ընտրական հանձնաժողով կարող էին ներկայացվել մինչև ս.թ ապրիլի 29­-ը: Ինչպես տեղեկացրին ՀՀ ԿԸՀ մամուլի ծառայությունից, սահմանված ժամկետում ՀՀ կենտրոնական ընտրական հանձնաժողովում հավատարմագրվել է 17 տեղական հասարակական կազմակերպության 5 138 դիտորդ:

2017 թվականի ապրիլի 29-­ին լրացել է նաև զանգվածային լրատվության միջոցների ներկայացուցիչների հավատարմագրման դիմումները ԿԸՀ ներկայացնելու ժամկետը: Քվեարկության օրն ընտրությունների և քվեարկության վերաբերյալ լուսաբանում իրականացնելու նպատակով ԿԸՀ­ ում հավատարմագրվել է 32 տեղական զանգվածային լրատվության միջոցի 436 ներկայացուցիչ: