«Հրապարակ». Կոնյակագործներն ամուսնացրել են զավակներին. ով որտեղ է անցկացրել հարսանիքը
Հայկական Մամուլ
«Հրապարակ» օրաթերթը գրում է.
«Շաբաթ-կիրակի օրերին կոնյակ արտադրողներն ամուսնացրել են զավակներին․ «Վեդի Ալկո» ընկերության սեփականատեր, ՀՀԿ նախկին պատգամավոր Մանվել Ղազարյանի որդու հարսանիքն էր՝ Ծաղկաձորի «Մարիոթ» ռեստորանում։ Որդին՝ Գառնիկ Ղազարյանը, ով «Արենի» պանդոկի սեփականատերն է, ամուսնացել է «Ղարս» ռեստորանի սեփականատիրոջ դստեր՝ Աիդա Վարդանյանի հետ։ Հարսանիքին Մանվել Ղազարյանը հրավիրել էր ինչպես նախկին, այնպես էլ այժմյան օրենսդիրներից ոմանց, բիզնես գործընկերներին: 2008-ի նախագահական ընտրություններում Լևոն Տեր-Պետրոսյանին պաշտպանելուց հետո Մանվել Ղազարյանը տևական ժամանակ հալածանքների էր ենթարկվում, նրա բիզնեսը մեծապես տուժեց, նա դուրս մնաց քաղաքական ասպարեզից։ Մամուլում վերջերս տեղեկություններ կային, թե Ղազարյանին առաջարկվել է այս անգամ ԲՀԿ-ի ցուցակով առաջադրվել Արարատի մարզում, սակայն նա մերժել է: Նա ծնունդով Արարատի մարզից է, իսկ «Վեդի Ալկոն» երկու գործարան ունի․ մեկը՝ Արարատում, մյուսը՝ Վայոց Ձորում։ Մյուս նորապսակը «Պռոշյանի կոնյակի գործարանի» տնօրեն Արմեն Գասպարյանի դուստրն է, այս հարսանիքն էլ կայացել է «Ֆլորենս» ռեստորանում»։
Ավելի մանրամասն՝ թերթի այսօրվա համարում:
ՈՒՂԻՂ ԵԹԵՐ
Ամենադիտված 
Էլիզ Մելիքյանը մայրիկի հետ լուսանկար է հրապարակել
