Իբրահիմովիչը բարեհաջող վիրահատվել է

«Մանչեսթեր Յունայթեդ»-ի ֆուտբոլիստ Զլատան Իբրահիմովիչի վիրահատությունը բարեհաջող է անցել: Այս մասին գրում է Sky Sports-ը:

Վիրահատել են ֆուտբոլիստի վնասվածք ստացած ծունկը:

35-ամյա շվեդ հարձակվողը վնասվածք է ստացել Եվրոպայի լիգայի քառորդ եզրափակչի «Անդերլեխտ»-ի դեմ պատասխան խաղում:

Ավելի վաղ տեղեկացվում էր, որ ապաքինման համար շվեդ հարձակվողը կբացակայի 8-9 ամիս:

Իբրահիմովիչի պայմանագիրը մանչեսթերյան ակումբի հետ ավարտվում է այս մրցաշրջանի վերջում:

Անգլիայի առաջնության ընթացիկ առաջնությունում Իբրահիմովիչը հեղինակել է 17 գոլ և կատարել 5 գոլային փոխանցում: