Մանուչարյանը՝ կարմիր քարտի ու պարտության մասին

Ռուսաստանի գավաթի խաղարկության եզրափակչում «Ուրալ»-ը 0:2 հաշվով պարտվել էր  «Լոկոմոտիվ»-ից:

Հանդիպման վերջնամասում թիմերի միջև բախում տեղի ունեցել, ինչի արդյունքում 4 ֆուտբոլիստ կարմիր քարտ է ստացել:

Հեռացված ֆուտբոլիստների թվում էր նաև Էդգար Մանուչարյանը, ով նշել է.

«Խաղի վերջում տեղի ունեցած կռիվը խաղային պահ է. պատահում է: Կարծում եմ՝ բոլորն էլ արժանիորեն հեռացվեցին: Բայց այս ամենը էմոցիաներ են, առանց որի՝ ֆուտբոլ չի լինում:

Ցավալի է, որ պարտվեցինք: Չեմ կարող ասել, թե նրանք արժանի էին հաղթանակի, պարզապես խաղավարտին մենք հոգնեցինք և նախաձեռնությունը տվեցինք նրանց և նրանք գոլ խփեցին»,- ֆուտբոլիստի խոսքը մեջբերում է sport-express-ը: