Ֆրանգուլյանն ու Գրիգորյանը կիսաեզրափակչում են

Նովի Սադում շարունակվում է ազատ ոճի ըմբշամարտի Եվրոպայի առաջնությունը:

Ինչպես արդեն տեղեկացրել էինք, 74 կգ քաշային կարգում Գրիգոր Գրիգորյանը 1/8 եզրափակչում 6:0 հաշվով հաղթեց Լեհաստանի մարզիկին և դուրս եկավ քառորդ եզրափակիչ:

Քառորդ եզրափակչում մեր մարզիկն ուժերը չափեց Վրաստանի ներկայացուցչի հետ և հաղթեց 5:4 հաշվով` դուրս գալով կիսաեզրափակիչ:

61 կգ քաշային Վոլոդյա Ֆրանգուլյանը 5:4 հաշվով հաղթել էր Սլովակիայի մարզիկին և նույնպես դուրս եկավ քառորդ եզրափակիչ:

Քառորդ եզրափակչում մեր մարզիկը 13:2 հաշվով հաղթեց Բուլղարիայի ներկայացուցչին և դուրս եկավ կիսաեզրափակիչ: