ԱՄՆ-ը և Եվրոպան այլևս չեն կարող ղարաբաղյան հակամարտությունը հետին պլանում պահել. The New York Times

ԱՄՆ-ը և Եվրոպան այլևս չեն կարող ԼՂ հակամարտությունը հետին պլանում պահել։ Այդ մասին ասվում է՝ The New York Times պարբերականում հրապարակված Դենիս Քորբոյի «Գրգռված Կովկասի հանդարտեցումը» հոդվածում։ 

Հոդվածում նշվում է, որ այս շաբաթ Հիլարի Քլինթոնի այցը Հայաստան, Ադրբեջան և Վրաստան սպասված և ժամանակին այց է համարվում։  «Կովկասում առկա է առճակատման վտանգ, որը կարող է ազդել ԱՄՆ–ի և Եվրոպայի շահերի վրա և այն բարձր մակարդակի կանոնավոր ուշադրություն է պահանջում»։

«ԵԱՀԿ-ն փնտրում է միջանկյալ որոշում, սակայն բանակցություններն արդեն վաղուց փակուղի են մտել։ Ռուսաստանը շարունակում է ավելացնել իր ռազմական ներկայությունը Հայաստանում և պահում է ռազմական բազան։ Ադրբեջանն իր նավթային հարստությունը ծառայեցնում է սպառազինմանը, իսկ նրա դաշնակից Թուրքիան ավելի քան 10 տարի է՝ փակել է Հայաստանի հետ սահմանը։ ԼՂ հակամարտությունը կարող է հանկարծակի դառնալ ապասառեցված»։

Քորբոն ընդգծում է, որ պետքարտուղար Հիլարի Քլինթոնի առաջիկա այցը պետք է թեթևացնի այդ լարվածությունը և երաշխիքներ առաջարկի, որ Արևմուտքը ակտիվորեն կաշխատի առճակատման ու հակամարտության կանխման համար։