Ադրբեջանը դիվերսիոն գործողություններով ուզում է ցույց տալ, որ համաձայն չէ ստատուս քվոյին. Սերգեյ Մինասյան
Տարածաշրջան
Կովկասի ինստիտուտի քաղաքական ուսումնասիրությունների բաժնի ղեկավար Սերգեյ Մինասյանը համոզմունք հայտնեց, որ ԱՄՆ պետքարտուղար Հիլարի Քլինթոնի այցը կապված է սահմանում տեղի ունեցող դեպքերի հետ:
Նրա համար զարմանալի էր, թե ինչու այդ դեպքերը տեղի ունեցան հայ-ադրբեջանական սահմանում:
«Ադրբեջանը դիվերսիոն գործողություններով ուզում է ցույց տալ, որ համաձայն չէ ստատուս քվոյին»,– ասաց նա և հավելեց, որ մյուս կողմից Ադրբեջանը փորձում է լրջություն տալ իր ռազմատենչ արտահայտություններին:
Ըստ բանախոսի, ԱՄՆ պետքարտուղարը Բաքվում կխոսի ԼՂ հակամարտության մասին, և հնարավոր է լինեն նաև հայտարարություններ իրանաամերիկյան հարցի հետ կապված:
Մինասյանը նշեց նաև, որ սա այս դեպքը չէ, որ ՀԱՊԿ-ն արձագանքի։
«Սրանք սահմանային միջադեպեր են: Սա դեռ պատերազմ չի, բացի այդ՝ Հայաստանը դեռ չի դիմել ՀԱՊԿ-ին: Բաքուն լավ հասկանում է, որ եթե պատերազմ լինի, ապա ՀԱՊԿ-ը հաստատ կարձագանքի»,– ասաց նա:
Բանախոսը նշեց նաև, որ ԵԱՀԿ մինսկի խումբը պետք է փորձի ազդել Ադրբեջանի վրա, որ կասեցվեն նման միջադեպերը:
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
