Հիլարի Քլինթոնը Բաքվում հանդիպել է Իլհամ Ալիևին

ԱՄՆ պետքարտուղար Հիլարի Քլինթոնը պաշտոնական այցով Բաքվում է։ Այցի ընթացքում պետքարտուղարը հանդիպել է Ադրբեջանի նախագահ Իլհամ Ալիևի, արտգործնախարար Էլմար Մամեդյարովի, քաղաքացիական հասարակության ու ԶԼՄ-ների հետ: Քլինթոնն ու Ալիևն ի թիվս այլ հարցերի` կարծիքներ են փոխանակել ղարաբաղյան հակամարտության կարգավորման վերաբերյալ:

Ադրբեջանի արտաքին գործերի նախարար Էլմար Մամեդյարովը նախօրեին ասել էր, թե մտադիր են փնտրել կոնֆլիկտի կարգավորման ուղիներ, սակայն իրենց համար անհասկանալի է հայկական կողմի տրամաբանությունը:

Հիշեցնենք, որ Բաքու կատարած այցից առաջ ԱՄՆ պետքարտուղարը եղել է Երևանում և Թբիլիսիում, որտեղ նա նույնպես հանդիպել է իշխանության ու քաղաքացիական հասարակության ներկայացուցիչների հետ: Քլինթոնի` տարածաշրջան կատարած այցը կեզրափակվի Թուրքիայում: