Հայաստանի հետ կապեր կհաստատվեն միայն Ղարաբաղը Ադրբեջանին հանձնելուց հետո. Ահմեդ Դավութօղլու
Տարածաշրջան
Հայաստանի հետ կապեր կհաստատվեն միայն Կովկասում խաղաղությանը հարգանք ցուցաբերելու և «օկուպացված ադրբեջանական տարածքներից Հայաստանի դուրս գալուց հետո։ Ահմեդ Դավութօղլուի այս հայտարարությունը հաղորդում է Hurriyet Daily News–ը։
Ելույթ ունենալով Թուրքիայի խորհրդարանում, այդ երկրի ԱԳՆ ղեկավար Ահմեդ Դավութօղլուն հայտարարել է, որ Թուրքիայի, Ադրբեջանի և Վրաստանի արտաքին գործերի նախարարների հունիսի 8-ին Տրապիզոնում կայանալիք եռակողմ հանդիպման գլխավոր նպատակն է՝ Հարավային Կովկասում խաղաղության հաստատումը։
Նախարարի խոսքերով, Անկարան շահագրգռված է՝ իր բոլոր հարևանների հետ հարաբերությունների բարելավմամբ։
«Չնայած բոլոր արգելքներին, Կովկասում խաղաղությանը հարգանք ցուցաբերելու և օկուպացված ադրբեջանական տարածքներից դուրս գալուց հետո հնարավոր է Հայաստանի հետ կապեր հաստատել»,- ասել է Դավութօղլուն։
Պատասխանելով պատգամավորների հարցերին՝ Թուրքիայի արտգործնախարարը ժխտել է հարևան պետությունների հետ Թուրքիայի հարաբերությունների լարվածության մասին հաստատումը։
«Այսպես, այսօր բարձր մակարդակով համագործակցության խորհրդի շրջանակներում սերտ կապեր են հաստատվել Ադրբեջանի, Ռուսաստանի, Ուկրաինայի և Բուլղարիայի հետ»,- ասել է նա։
ՈՒՂԻՂ ԵԹԵՐ
Ամենադիտված 
Մարիամ Փաշինյանը նոր հրապարակում է կատարել ծնողների ամուսնալուծության ֆոնին
