Ռուսաստանի արտաքին գերատեսչությունը ԼՂ հակամարտությունը դիվանագիտական ճանապարհով լուծելու կոչ է արել

Ռուսաստանի արտաքին գործերի նախարարությունը ԼՂ հակամարտությունը դիվանագիտական ճանապարհով լուծում տալու կոչ է արել։ Այդ մասին ասված է Ռուսաստանի ԱԳՆ–ի Twitter–ի իր էջում տեղադրած հաղորդագրությունում, որը կապված է վերջին օրերին հայ–ադրբեջանական շփման գոտում իրավիճակի սրման հետ։  

«Մենք կոչ ենք անում կողմերին, ԼՂ հակամարտության լուծմանն ուղղված ջանքերը կենտրոնացնել քաղաքական և դիվանագիտական ճանապարհով խնդրի կարգավորման գործընթացի վրա», - ասել է Ռուսաստանի արտաքին գործերի նախարարության մամլո քարտուղար Ալեքսանդր Լուկաշևիչը։

Նա նաև ասել է, որ հունիսի սկզբից հայ–ադրբեջանական սահմանին տեղի ունեցող միջադեպերի պատճառով «կտրուկ ավելացել է զոհերի թիվը»։ «Հետագայում իրավիճակի նման զարգացումն՝ անընդունելի է», - ասել է Լուկաշևիչը։

Հիշեցնենք, որ հունիսի 4-ին Ադրբեջանի և Հայաստանի սահմանին ադրբեջանական կողմի ձեռնարկած դիվերսիոն գործողությունների պատճառով երկու կողմերն էլ զոհեր են տվել։ Հատկնշական է, որ այդ գործողությունները ուղեկցվեցին ԱՄՆ Պետքարտուղար Հիլարի Քլինթոնի Հարավային Կովկասի երկրներ շրջագայությանը։