Շնորհակալություն Իբրահիմովիչին, որ թույլ տվեց խաղալ 9 համարի մարզաշապիկով. Լուկակու

«Մանչեսթեր Յունայթեդ»-ի նորեկ Ռոմելու Լուկակուն խոսել է այն մասին, թե ինչու է վերցրել 9 համարի մարզաշապիկը, որով նախորդ մրցաշրջանում խաղում էր Զլատան Իբրահիմովիչը:

«Մայրիկիս միշտ հարցնում էի, թե որ համարով խաղամ և ընտրում էի 10 համարը, քանի որ նրա ծննդյան օրը հոկտեմբերի 10-ին է:

Հիմա խնդրեցի 9 համարը, քանի որ ես հարձակվող եմ: Հարձակվողները խաղում են 9 համարով: Իբրահիմովիչից թույլտվություն խնդրեցի և շնորհակալ եմ նրան, որ թույլ տվեց խաղալ այդ համարով»,—Լուկակուի խոսքը մեջբերում է ESPN FC-ն: