«Բոլոր ռեժիսորներն ուզում են, որ ես նիհարեմ». Նաիրա Մովսիսյան

Դերասանուհի Նաիրա Մովսիսյանը հանրությանը հայտնի է վերջին շրջանում նկարահանված հայկական ամենառեյթինգային ֆիլմերից, որտեղ շիկահեր գեղեցկուհին սովորաբար մարմնավորել է ոչ դրական կերպարներ: «Եթե գտնեմ քեզ» սերիալում, սակայն, այս կարծրատիպը կոտրվեց, և Նաիրան մարմնավորեց շատ դրական, առաքինի ու մարդկային լավագույն հատկանիշներով օժտված մի կերպարի: Կերպարային փոփոխության, Նաիրայի ամառային առօրյայի ու նիհարելու մեծ ցանկության մասին էլ BlogNews.am-ն այսօր զրուցել է դերասանուհու հետ.

«Յուրաքանչյուր դերասանի համար էլ հաճելի է, երբ աշխատանքային պրոցեսում նա ստեղծագործում է: Հետևաբար, այն կերպարը, որն ասելիք ունի, ինձ համար հետաքրքիր է: Ամեն կերտված դերի նկատմամբ անհատական վերաբերմունք է ցուցաբերվում, ու նշանակություն չունի՝ դրական է այն, թե բացասական, կարևորը՝ դերը խառնվածք ունենա»,- ասում է Նաիրա Մովսիսյանը:Չնայած նրան, որ Նաիրային հանդիսատեսն ու հեռուստադիտողը սիրել են որպես ոչ նիհար, կոլորիտային դերասանուհու, Նաիրան վերջին շրջանում ամեն ջանք գործադրում է կիլոգրամներ կորցնելու համար: Ի՞նչն է խանգարում Նաիրային, և ինչո՞ւ է նա անընդհատ նիհարում, եթե համաչափ քաշի մեջ էլ նա գեղեցիկ է ու կանացի. «Խնդիրն այն է, որ էկրաններից ես միշտ իմ իրական քաշից 8-10 կիլոգրամ ավել եմ երևում: Ժամանակին շատ նիհար եմ եղել, բայց էկրանից դա չի երևացել: Օրինակ՝ «Պահանջվում է միլիոնատեր» ֆիլմում ես իմ ներկայիս քաշի կեսն ունեի, բայց էկրանից ես էլի այդ նույն թմբլիկ վիճակն ունեի: Կարծում եմ՝ ճիշտ որոշում եմ կայացրել, մանավանդ որ բոլոր ռեժիսորներն ուզում են, որ ես նիհարեմ»:

Նաիրան պնդում է, որ  պետք է առողջ նիհարել, իսկ դա նախ և առաջ ժամանակին, ճիշտ չափաբաժնով  ու օրվա մեջ մի քանի անգամ սնվելն է: Դերասանուհին նիհարելու փորձ արդեն ունեցել է 3 տարի առաջ: Այդ ժամանակ Նաիրան ինքն էր մշակել  իր սննդակարգը, քանի որ ազատ ժամանակ շատ ուներ: Հիմա Նաիրային նիհարել օգնում են մասնագետները. «Հետևում եմ իմ դիետոլոգի սննդակարգին, ուտում եմ այն, ինչ նա է նախատեսում, ու եթե այնպես է ստացվում, որ տնից հեռու եմ լինում և չեմ կարողանում ուտել հենց դիետոլոգիս ուղարկած սնունդը, ապա փորձում եմ քաղցս հագեցնել հենց այն մթերքներով, որոնք որ նախատեսված էին իմ այդ չափաբաժնի մեջ»:

Աշխատանքային ծրագրեր դերասանուհին շատ ունի, սակայն առայժմ չի խոսում այդ մասին, փոխարենը սիրով կիսվում է իր առօրյայից. «Ամբողջ օրս նվիրված է աշխատանքիս ու երեխայիս: Եթե երեկոները կամ վաղ առավոտյան լինեք մեր  հարևանությամբ այգիներում, ապա կտեսնեք ինձ ու Մարիային զբոսնելիս»: Նաիրան նշում է, որ Մարիան շատ աշխույժ երեխա է ու շատ է սիրում պարել. «Մարիայի օրվա ամենահետաքրքիր պահերից մեկն էլ այն է, երբ նրան ինձ հետ նկարահանման եմ տանում: Գործընկերներս բոլորը նրան ճանաչում եմ, զբաղեցնում են, նրան էլ հետաքրքիր է հետևել նկարահանումների ընթացքին: Հաճախ էլ Մարիային մայրիկիս աշխատավայր՝ դպրոց եմ տանում, որտեղ նրան բոլոր ուսուցչուհի տատիկները պահում, զբաղեցնում են»: Մարիայի օրվա ամենաաշխույժ հատվածն, իհարկե, երեկոներն են, երբ նա միաժամանակ և՛ մայրիկի, և՛ տատիկի ներկայությունն է վայելում. «Ոգևորվում է, ուրախությունից այս ու այն կողմ է թռչկոտում, շատ է սիրում օրվա այդ հատվածԱմառային պլանների մասին խոսելիս Նաիրան նշում է, որ այս պահի դրությամբ ոչինչ չի պլանավորել, քանի որ աշխատանքի մեջ է. «Ճիշտն ասած՝ ես իմ աշխատանքի մեջ էլ եմ գտնում իմ հանգիստը: Իսկ այ երեխայի համար իրոք կցանկանայի ինչ-որ տեղ մեկնել, եթե արձակուրդ ունենամ»: 

Ամառային պլանների մասին խոսելիս Նաիրան նշում է, որ այս պահի դրությամբ ոչինչ չի պլանավորել, քանի որ աշխատանքի մեջ է. «Ճիշտն ասած՝ ես իմ աշխատանքի մեջ էլ եմ գտնում իմ հանգիստը: Իսկ այ երեխայի համար իրոք կցանկանայի ինչ-որ տեղ մեկնել, եթե արձակուրդ ունենամ»:  

BlogNews.am