Վրաստանի, Ադրբեջանի և Թուրքիայի ԱԳՆ ղեկավարները ստորագրել են Տրապիզոնի հռչակագիրը

Թուրքական Տրապիզոն քաղաքում Վրաստանի արտգործնախարար Գրիգոլ Վաշաձեի, Թուրքիայի արտգործնախարար Ահմեդ Դավութօղլուի և Ադրբեջանի արտաքին գործերի նախարար Էլմար Մամեդյարովի հանդիպումից հետո՝ ստորագրվել է Տրապիզոնի եռակողմ հռչակագիրը, հաղորդում է NewsGeorgia.ru–ն։

Ստորագրման արարողությունից հետո հանդես եկող Վրաստանի ԱԳՆ ղեկավար Գրիգոլ Վաշաձեն ընդգծել է, որ Վրաստանը մեծ նշանակություն է տալիս տարածաշրջանում էներգետիկ նախագծերի զարգացմանը:

Իր հերթին Թոքւրքիայի արտգործնախարար Ահմեդ Դավութօղլուն նշել է նաև, որ հունիսի 9-ին Թուրքիայի Կարս քաղաքում կկայանա Ադրբեջանի, Թուրքիայի և Վրաստանի գործարարների մասնակցությամբ երեք երկրների էկոնոմիկայի նախարարների հանդիպումը:

Ադրբեջանի արտգործնախարար Էլմար Մամեդյարովն իր հերթին արդրադառնալով հայ-ադրբեջանական հակամարտությանը՝ նշել է, որ ադրբեջանական և հայկական զորքերի շփման գծում վերջին դեպքերը ցույց են տալիս, որ հակամարտությունը սառեցված չէ։