ԵԱՀԿ գործողը նախագահը հակամարտող կողմերին զսպվածության կոչ է արել
Տարածաշրջան
ԵԱՀԿ գործող նախագահ Այմոն Գիլմորը ԼՂ հակամարտության կողմերին կոչ է արել զերծ մնալ ուժի կիրառումից։ ԵԱՀԿ գործող նախագահը վճռականորեն քննադատել է շփման գծում տեղի ունեցած վերջին միջադեպերը:
«Այս հակամարտությունը չի լուծվելու ուժի միջոցով։ Բռնությունը պետք է դադարի»,- հայտարարել է Գիլմորը՝ Հայաստանի ԱԳՆ ղեկավար Էդվարդ Նալբանդյանի հետ ունեցած հանդիպումից հետո:
«Այս մեսիջը ես կհնչեցնեմ նաև Ադրբեջանում։ Եկել է վստահություն հաստատելու ժամանակը, դրա համար հակամարտության բոլոր կողմերից պահանջվում է կամք և ձգտում դեպի խաղաղություն»,- հայտարարել է Գիլմորը՝ հիշեցնելով, որ Իռլանդիան նույնպես իր ժամանակին ներքաշված է եղել հակամարտության մեջ:
Նա իր աջակցությունն է հայտնել ԵԱՀԿ Մինսկի խմբի միջնորդական ջանքերին. «ԵԱՀԿ-ն կարող է օգնել հաղթահարել տարաձայնությունները երկու երկրների ու ժողովուրդների միջև, հարթակ հանդիսանալ և աջակցել կողմերին խաղաղության հասնելու հարցում, սակայն չի կարող լուծում պարտադրել»։
Գիլմորը նշել է կողմերի միջև վստահության ամրապնդմանն ուղղված միջոցների, շփման գծից դիպուկահարների հեռացման անհրաժեշտությունը:
ՈՒՂԻՂ ԵԹԵՐ
Ամենադիտված 
4 ոչ աշխատանքային օր կլինի
