Էջմիածին քաղաքի օրվա միջոցառումները շարունակվում են. ստորագրվեց գործակցության հուշագիր

Շարունակվում են Էջմիածին քաղաքի օրվա միջոցառումները համայն հայության հոգեւոր կենտրոն Էջմիածնում:

Տոնի շրջանակներում այսօր գործակցության հուշագիր ստորագրվեց Էջմիածնի քաղաքապետարանի պատմաազգագրական թանգարանի եւ Բաթումի հնագիտական թանգարանի միջեւ:

Ըստ այդմ, թանգարանները համատեղ գիտական աշխատանքներ կկատարեն եւ կհամագործակցեն մշակույթի ոլորտում:

Էջմիածնի քաղաքապետ Կարեն Գրիգորյանը կարեւորեց այսօրինակ գործակցությունն` ընդգծելով, որ հայերն ու վրացիները միեւնույն քաղաքակրթական դաշտում գտնվող հոգեհարազատ ժողովուրդներ են: