Կովկասում կուտակվել է սեյսմիկ լարվածություն

Մասաչուսեթսի տեխնոլոգիական համալսարանի սեյմոլոգներն ադրբեջանական կոլեգաների հետ համատեղ ուսումնասիրել են Արևելյան Կովկասի երկրակեղևի դինամիկան։ Գիտնականների խոսքերով, Բաքվի շրջանում վերջերս մեծ սեյսմիկ լարվածություն է կուտակվել։ Հետազոտությունը տպագրված է Journal of Natural Hazards պարբերականում, որի համառոտ բովանդակությունը բերվում է համալսարանի կայքում։

Հետազոտությունն իրականացվել է Ադրբեջանում Կուր գետի պլատֆորմի երկայնքով տեղակայված հատուկ սեյսմիկ կայանների օգնությամբ։ Կայանները հագեցած են յուրաքանչյուր 30 վայրկյանը մեկ իրենց դիրքը ճշգրտող GPS ընդունիչներով։ Լիթոսֆերային սալերի տեղաշարժի արագությունը որոշելու համար վերցվել էին օրվա միջին ստացված արժեքները։ Հետազոտությունն իրականացվել է վերջին տասը տարիների ընթացքում։

Բաքվի մերձակայքում Արաբական սալի տեղաշարժի միջին արագությունը կազմել է տարեկան 12 միլիմետր։ Գիտնականների խոսքերով՝ դա 2 անգամ ավելին է, քան Կովկասի արևմտյան հատվածում։

Սեյսմոլոգները դեռ չգիտեն, թե լարվածության կուտակման արդյունքում նշված ռեգիոնում որ տեկտոնական ճաքերն առավել ակտիվ կդրսևորեն իրենց։ Դա որոշելու համար Կովկասում սեյմիկ կայանների քանակը բավարար չէ։

Ապագայում լարման կուտակումը կարող է պարպվել վտանգավոր երկրաշարժերի տեսքով։ Տպագրված հոդվածում գիտնականները, սակայն, չեն փորձում կանխատեսել դրանց ժամանակն ու պատահման վայրը։

Վերջին հարյուրամյակում Բաքվի շրջակայքում մեծ քանակությամբ երկրաշարժեր են գրանցվել։ Դրանցից ամենանշանակալիներից մեկը տեղի է ունեցել 1859 թվականին և գործնականում ամբողջությամբ կործանել է Շամախի քաղաքը։