Պատերազմի վերսկսումը վտանգի տակ կդնի հարավկովկասյան երեք հանրապետությունների ինքնիշխանությունը. Գրիգոլ Վաշաձե

Վրաստանի արտաքին գործերի նախարար Գրիգոլ Վաշաձեն հայտարարել է, որ հայ–ադրբեջանական պատերազմի վերսկսումը կթաղի հարավկովկասյան երեք երկրների ինքնիշխանություն ու անկախությունը, հաղորդում է 1news.az–ը։

«Ես անկեղծորեն հույս ունեմ, որ ԵԱՀԿ Մինսկի խմբի ջանքերը շուտափույթ արդյունք կտան, թեև ինչ–որ մի երրորդ ուժ ակտիվորեն խանգարում է Մինսկի խմբի աշխատանքներին, որպեսզի որևէ լուրջ արդյունք չգրանցվի բանակցային գործընթացում, ինչպես նաև շփման գծում հրադադարի ռեժիմի խախտման դեպքերը ինչքան հնարավոր է երկար պահպանվեն», – ասել է Վաշաձեն։