Ես միշտ դեմ եմ եղել ԼՂ հարցով ենթահանձնաժողովի ստեղծմանը. ԵԽԽՎ նախագահ
Տարածաշրջան
«Այս շաբաթ ես հանդիպումներ կանցկացնեմ Ադրբեջանի և Հայաստանի պատվիրակությունների ղեկավարների հետ»,-այսօր այդ մասին կառույցի ամառային նստաշրջանի շրջանակներում հրավիրված մամլո ասուլիսի ժամանակ հայտարարել է ԵԽԽՎ նախագահ Ժան-Կլոդ Մինյոնը:
«Ես նրանց հետ մտքեր կփոխանակեմ ԼՂ խնդրի վերաբերյալ ենթահանձնաժողով ստեղծելու անհրաժեշտության մասին: Համատեղ ընդունված որոշումները կուղարկվեն ԵԽԽՎ բյուրո՝ հաստատման համար», - նշել է նա:
Մինյոնը նաև ասել է՝ «Չէի ցանկանա խոսել բյուրոյի անունից, և իմ անձնական կարծիքն այդ հարցում այն է, որ ես կողմնակից չեմ եղել վեհաժողովում ենթահանձնաժողովի գործունեությանը, քանի որ ԼՂ հակամարտության կարգավորմամբ զբաղվում է Մինսկի խումբը, որը լուրջ աշխատանք է իրականացնում այդ ուղղությամբ: Ես լիովին վստահում եմ Մինսկի խմբի գործունեությանը, թեև կարծում եմ՝ Մինսկի խումբը պետք է շատ աշխատանք իրականացնի և մեծ ակտիվություն ցուցաբերի: Մեկ անգամ ևս կրկնում եմ. սա իմ անձնական կարծիքն է, այլ ոչ թե Բյուրոյի, կամ ԵԽԽՎ-ի դիրքորոշումը: Եթե Բյուրոն իմ դիրքորոշումից տարբեր որոշում ընդունի, ես՝ որպես ԵԽԽՎ-ի նախագահ, հարգանքով կվերաբերվեմ դրան»:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
