Հրաժարվելով կոսմետիկ միջոցներից տեսաբլոգերը խնայել է տարեկան 4000 դոլար (լուսանկարներ, տեսանյութ)

Daily Mail-ը գրում է, որ Freelee մականունով հայտնի ավստրալուհի տեսաբլոգերը կարողացել է տարեկան շուրջ 4000 դոլար տնտեսել՝ հրաժարվելով բոլոր տեսակի դեկորատիվ կոսմետիկ միջոցներից։

37-ամյա տեսաբլոգերը մեկ տարի շարունակ չի օգտվել «արևմտյան քաղաքակրթության» բարիքներից, նա հեռացել է քաղաքային կյանքից և որոշել գոյատևել նախամարդու կյանքի պայմաններում։ Նա դադարել է շպարվել, լվանալ գլուխը շամպունով և մազահեռացում անել։ Արդյունքում այս ամբողջ ընթացքում նրան հաջողվել է 4000 դոլարի չափով գումար խնայել։

Ավելի վաղ Freelee-ն YouTube-ի իր էջում կիսվել է բուսակերության մասին իր գաղափարներով և «լայֆսթայլ» տեսանյութեր տեղադրել ավստրալական Քվինսլենդից։ Վերջին մեկ տարվա ընթացքում նրա տեսանյութերն ու Instagram-ի էջը պատմում են հարավամերիկյան անտառային տարածքներում իր ու իր կողակցի կյանքի մասին։

Զույգը միասին աճեցնում է ուտելու ենթակա բույսեր և գրեթե ամբողջությամբ հրաժարվել է հագուստից։ Բլոգերի հրապարակումները հաճախ ուղեկցվում են «Գնա՛, ազատի՛ր քեզ» հաշթեգով։

Freelee-ի վերջին ձեռքբերումներից է կոկոսի կեղևից պատրաստած լողազգեստը, որի լուսանկարով նա կիսվել է Instagram-ի իր էջում։

«Դուք կարող եք մտածել՝ «Օ, ես երբեք չեմ կարող սովորել նման բան անել, ես լավ չեմ նման հարցերում», և այստեղ դուք սխալվում եք։ Ես մեծացել եմ ոչ մի նման փորձ չունենալով, ինձ դրան սովորեցրել է սպառողական հասարակությունը, ըստ որի ավելի հեշտ է ինչ-որ բան գնել, քան փորձել ստեղծել դա ինքնուրույն։ Իհարկե, դա կարող է ավելի արագ ու հեշտ լինել, սակայն որտե՞ղ մնաց անձնական բավարարվածությունը», - գրել է բլոգերը։