Հանդիպում «ԼՂ ադրբեջանական համայնք» հասարակական միավորման անդամների հետ

Հայաստանի նախկին նախագահ Լևոն Տեր-Պետրոսյանի՝ արտաքին քաղաքականության հարցերով նախկին խորհրդական, ԱՄՆ–ի Միչիգանի  համալսարանի հայագիտության ամբիոնի պրոֆեսոր Ժիրայր Լիպարիտյանը հանդիպել է «ԼՂ ադրբեջանական համայնք» հասարակական միավորման անդամների հետ Այս մասին հաղորդում է 1news.az–ը։

Ըստ հասարակական միավորման կողմից տարածած հաղորդագրության՝ Լիպարիտյանը հանդիպել է կառույցի անդամների, այդ թվում՝ նրա ղեկավար Բայրամ Սաֆարովի, կառուցի կոորդինացիոն խորհրդի նախագահ Օրհան Աքպերովի, Խոջավենդի գործադիր իշխանության ղեկավար Էյվազ Հուսեյնովի հետ:

Հանդիպման ընթացքում քննարկվել են ԼՂ հակամարտության ներկայիս իրավիճակը, հակամարտության խաղաղ կարգավորման գործընթացքում միջազգային կառույցների ջանքերը և այլ կարևոր հարցեր:

Հիշեցնենք, որ Ժիրայր Լիպարիտյանը Բաքու է ժամանել «Համատեղ ջանքեր հանուն ապագա Կովկասի. անցած 20 տարիները և դրանց դասերը» խորագրով անցկացվող միջազգային խորհրդաժողովի շրջանակներում։