Կետորսներն Իսլանդիայի ափերի մոտ վերացման վտանգի տակ գտնվող կապույտ կետ են սպանել (լուսանկարներ, տեսանյութ)

Daily Mail-ը գրում է, որ իսլանդացի կետորսները երկրի ափերի մոտ վերացման վտանգի տակ գտնվող հազվագյուտ կապույտ կետ են սպանել։

Աղբյուրը մանրամասնում է, որ ահռելի կաթնասունի լուսանկարներն արագորեն տարածվել են համացանցում՝ շարժելով բնապահպանների ու ակտիվիստների զայրույթը:

Քաջատեղյակ աղբյուրների փոխանցմամբ՝ կետին այնուհետև մասնատել են: Ենթադրվում է, որ կենդանու միսն ուղարկվելու է Ճապոնիա, որտեղ կետը համարվում է թանկարժեք նրբուտեստ:

Հայտնի է, որ կապույտ կետերը վերացման վտանգի տակ գտնվող տեսակ են, ուստի՝ դրանց որսն արգելված է աշխարհի բոլոր վայրերում: