ԱԺ-ից թողնելու եմ, դուրս գամ. ինձ էդ մանդատը պետք չի. Ալիկ Սարգսյան (տեսանյութ)

«Հանրապետական կուսակցությունը բաղկացած է մի քանի շերտերից: Այն շերտը, որի պատճառով տեղի ունեցավ նման հանգուցալուծում, բացահայտված աղմկահարույց դեպքերը՝ ՀՀԿ-ի մի շերտն է:

Մյուսներին մի՛ փնովեք, նրանց էլ գուցե տեղ տաք, ի՞նչ անենք, որ մի գաղափարի շուրջ են համախմբված: Էդ Հանրապետական բառը ինչ-որ թշնամանք պարունակո՞ղ բառ է, չի՛ կարելի էդպես, էդ Հանրապետականում էլ լիքը լավ մարդիկ կան, որ պետք են մեզ»,- այս մասին այսօր լրագրողների հետ զրույցում ասաց ԱԺ ՀՀԿ պատգամավոր Ալիկ Սարգսյանը:

Հարցին` պատրաստվո՞ւմ է որպես ընդդիմադիր շարունակել իր գործունեությունը Հանրապետականի հետ, Սարգսյանը պատասխանեց. «Ես ինձ որպես ընդդիմադիր էլ չեմ տեսնում, շարունակելս էլ առանձնապես շարունակել չի, ես հիմա քաղաքականության մեջ չկամ և որոշել եմ ընդհանրապես չզբաղվել:

Ես ինչ որ տեսա, այս ամենից հիասթափված եմ վերջնականորեն և որևէ կուսակցության ջրաղացին չեմ պատրաստվում ջուր լցնել։ Առավել ևս, այս տարիքում չեմ պատրաստվում դռնեդուռ ընկնել ու խնդրել, որ սրան ընտրեն կամ նրան: Միանշանակ է, որ ԱԺ-ից թողնելու եմ, դուրս գամ: Ինձ էդ մանդատը պետք չի: Կտեսնեմ՝ իրադարձություններն ինչպես են զարգանում սեպտեմբերին, ըստ այդմ, կորոշեմ՝ երբ դուրս գալ»,-հայտարարեց նա։

Սարգսյանի խոսքով` ինքը ոչ թե հոգնել է, այլ հիասթափված ու խաբված է զգում իրեն, քանի որ կուսակցությունը շեղվել է իր որդեգրած քաղաքական կուրսից