Ես լրիվ մերկ էի, երբ զանգահարեց Թրամփը. Քիմ Քարդաշյան (տեսանյութ)

Jimmy Kimmel Live շոուի YouTube ալիքով հրապարակվել է մի հատված Քիմմելի շոուից։ Շոուի հյուրն էր  Քիմ Քարդաշյանը։

Քիմը պատմել է այն մասին, թե ինչպես է օգնել Էլիս Ջոնսոնին ազատվել բանտից։ Քիմ Քարդաշյանը հանդիպել էր ԱՄՆ նախագահ Դոնալդ Թրամփի հետ, որպեսզի քննարկեր թմրանյութերի ապօրինի վաճառքի համար ցմահ ազատազրկման դատապարտված ու արդեն 21 տարի բանտում անցկացրած 62-ամյա Էլիս Ջոնսոնին  ներում շնորհելու հնարավորությունը։  Ու Քիմը հասել է նրան, որ նախագահը ներում էր շնորհել Էլիսին։

«Ես գիտեի, որ ես հարյուրից ընդամենը մեկ հնարավորություն ունեմ Էլիսի համաներմանը հասնելու համար։ Ու ես որոշեցի փորձել: Ես խնդրեցի հանդիպում նախագահի հետ («Նրա կառավարման ամենաերջանիկ պահը»- ասել է այդ պահին Ջիմին՝ մեկնաբանելով Քիմի ու Թրամփի համատեղ լուսանկարը)։ Ու նա ինձ զանգահարել է մեկ շաբաթ հետո։ Նա զանգահարել էր այն պահին, երբ ես մասնակցում էի Սթիվեն Քլայնի ֆոտոշարքին, իսկ եթե գիտեք, թե ով է նա, ուրեմն հասկանում եք, որ ֆոտոշարքը նյու ոճով էր։ Ես լրիվ մերկ էի, երբ զանգահարեց Թրամփը։ Ու ես խուճապի մեջ ընկա, քանի որ շատ էի սպասում այդ զանգին («Դուք նրան ասեիք, որ մերկ եք, այդ դեպքում նա բոլոր բանտարկյալներին կազատեր»- մեկնաբանել էր Քիմմելը )։ Հետո ես հանդիպեցի նրա հետ։ Ես ցնցված էի Սպիտակ տնից ու Օվալաձեւ գրասենյակից։ Մենք խոսեցինք Էլիսի մասին, ահա և արդյունքը»,- պատմել է Քիմը։