iPhone-ի նոր մոդելների լուսանկարները հայտնվել են համացանցում (լուսանկարներ, տեսանյութ)

Daily Mail-ը գրում է, որ ամերիկյան Apple տեխնոլոգիական ընկերության նոր iPhone սմարթֆոնները կներկայացվեն սեպտեմբերին, սակայն դրանց առաջին լուսանկարներն արտահոսել են համացանց՝ թույլ տալով մոտավոր պատկերացում կազմել ներկայացվելիք նորույթների մասին:

Լուսանկարներն իր թվիթերյան միկրոբլոգում հրապարակել է Բեն Գեսկինը: Նա ցույց է տվել 6.5 և 6.1 դյույմ անկյունագծերով նոր iPhone-ները: Ի դեպ, դրանցից փոքրը սմարթֆոնի բյուջետային տարբերակն է:

Ոլորտի վերլուծաբանների կանխատեսմամբ՝ 6.1 դյույմանոց տարբերակը շատ նման կլինի iPhone X-ին, բայց կարժենա ավելի քիչ գումար՝ 799 դոլար: