Օդանավ է կործանվել․ կան տուժածներ (տեսանյութ)
Տեսանյութեր«ՌԻԱ Նովոստի»-ն հայտնում է, որ Մեքսիկայի Դուրանգո քաղաքի օդանավակայանում երեքշաբթի տեղի ունեցած Aeromexico ընկերության օդանավի վթարի պատճառն է եղել ուժգին քամին, հայտնել է նույնանուն նահանգի ղեկավար Խոսե Ռոսաս Աիսպուրոն։
«Թռիչքը կատարելիս օդանավը ենթարկվել է ուժգին քամու հարվածին, որն օդանավին ստիպել է կտրուկ իջնել, եւ այն աջ թեւով հարվածվել է գետնին, ինչի հետեւանքով պոկվել են 2 շարժիչները»,- ասել է Աիսպուրոն՝ համացանցում հեռարձակվող մամուլի ասուլիսի ժամանակ:
Տեղի ունեցածի հետեւանքով Embraer 190 օդանավը մոտ 300 մետրով դուրս է եկել թռիչքուղուց:
Օդանավում եղել է 97 մեծահասակ ուղեւոր, 2 երեխա եւ անձնակազմի 4 անդամ: Նահանգապետի խոսքով՝ տուժածներին տեղափոխել են տարբեր հիվանդանոցներ, զոհվածներ չկան: Վիրավորների թվում օդաչուն ծանր, սակայն կայուն վիճակում է, նա վնասվածք է ստացել ծոծրակի հատվածում:
Դեռեւս հիվանդանոցում է 49 մարդ: Embraer 190 օդանավը, որը շահագործվում է մոտ 10 տարի, վթարի է ենթարկվել Դուրանգոյից Մեխիկո ուղեւորվելիս: Ուղեւորների մեծ մասը եւ անձնակազմի անդամները, չնայած բռնկված հրդեհին, կարողացել են օդանավից դուրս գալ ինքնուրույն:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
