Ջոլին ցանկանում է սիրիացի երեխա որդեգրել (տեսանյութ)

Indiatimes.com կայքը հայտնում է, որ հոլիվուդյան դերասանուհի, պրոդյուսեր Անջելինա Ջոլին, որը բազմազավակ մայրիկ է, պատրաստվում է 7-րդ երեխային որդեգրել:

Հոլիվուդյան գեղեցկուհին մտադիր է սիրիացի երեխա որդեգրել:

Նշվում է, որ  Ջոլին անտարբեր չէ Սիրիայում ընթացող բազմամյա պատերազմի հետևանքով տառապող երեխաների ճակատագրի նկատմամբ ու ցանկանում է նրանցից մեկին օգնել:

Հայտնի է, որ դերասանուհին մտադիր է այդ հարցով զբաղվել «Մալիֆիսենտա 2» ֆիլմի նկարահանման աշխատանքների ավարտից հետո:

Հավելենք, որ Անջելինա Ջոլին ու նրա նախկին ամուսին Բրեդ Փիթն ունեն 6 երեխա, որից 3-ը որդեգրված են: