Եվրամիության ղեկավարը Հայաստան կայցելի հուլիսի 3-4-ը. ԵՄ պատվիրակություն
Տարածաշրջան
Եվրամիության նախագահ Հերման Վան Ռոմպեյը Հայաստան կայցելի հուլիսի 3-4-ը։ Այս մասին երկուշաբթի հայտնել է Հայաստանում գտնվող Եվրամիության պատվիրակությունը:
Հաղորդագրության համաձայն՝ Ռոմպեյը Հարավային Կովկասի տարածաշրջան կայցելի հուլիսի 3-5-ին և իր այցը կսկսի Հայաստանից, որտեղից կուղևորվի Վրաստան և Ադրբեջան:
Եվրամիության նախագահն այցի շրջանակներում կհանդիպի Հայաստանի նախագահ Սերժ Սարգսյանի, ԱԺ խոսնակ Հովիկ Աբրահամյանի հետ, ինչպես նաև ողջույնի խոսքով հանդես կգա ՀՀ ԱԺ պատգամավորների առջև:
Ռոմպեյը ելույթ կունենա քաղաքացիական հասարակության «Հայաստանը Եվրոպայում» համաժողովի ժամանակ, ինչպես նաև կայցելի «Երևանը գրքի համաշխարհային մայրաքաղաք» և «Հայ գրատպության 500-ամյակ» ցուցահանդեսներ, որոնք կազմակերպվել են ՅՈՒՆԵՍԿՕ-ի կողմից Ազգային պատկերասրահում:
«Այցի ընթացքում Ռոմպեյը զրուցակիցների հետ կքննարկի Հայաստանի և Եվրամիության հարաբերությունները, ներքաղաքական իրավիճակը, ինչպես նաև տարածաշրջանային և երկկողմ հետաքրքրություն ներկայացնող հարցեր»,- ասվում է հաղորդագրությունում:
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
