Համանախագահները վաղը շփման գիծը կհատեն ադրբեջանական կողմից և կուղևորվեն Ղարաբաղ
Տարածաշրջան
Հայաստանի և Ադրբեջանի նախագահների միջև ԼՂ հարցի շուրջ հանդիպում առայժմ նախատեսված չէ։ Այդ մասին լրագրողներին հայտնել է ԵԱՀԿ Մինսկի խմբի ռուսաստանցի համանախագահ Իգոր Պոպովը: Ըստ նրա՝ համանախագահների տարածաշրջանային այցի ավարտից հետո ծրագրվում է հանդիպումներ անցկացնել երկու երկրների արտգործնախարարների հետ,-հաղորդում է 1news.az–ը։
«Մոտ ապագայում հնարավոր է ամառային արձակուրդներից հետո մենք Հայաստանի և Ադրբեջանի ԱԳՆ ղեկավարների հետ անցկացնենք առանձին հանդիպումներ, որից հետո ծրագրում ենք անցկացնել նաև համատեղ հանդիպում: Այդ իսկ պատճառով նախագահների միջև հանդիպում նախատեսված չէ», – ասել է Պոպովը։
Իր հերթին ԵԱՀԿ Մինսկի խմբի ամերիկացի համանախագահ Ռոբերտ Բրադկեն լրագրողներին ասել է, որ Ադրբեջանի նախագահի հետ հանդիպումը շատ կառուցողական է եղել: Նա նշել է, որ համանախագահները վաղը շփման գիծը կհատեն ադրբեջանական կողմից և կուղևորվեն Ղարաբաղ:
«Շատ կարևոր է շարունակել զորքերի շփման գիծն անցնելու պրակտիկան: Դա ընդգծում է հրադադարի ռեժիմի պահպանման կարևորությունը», – ընդծել է ռուսաստանցի համանախագահը։
ՈՒՂԻՂ ԵԹԵՐ
Ամենադիտված 
Իմ դարի չափ տխրությունն Անին վերցրեց իր փխրուն ուսերին ու տարավ․ Նազենի Հովհաննիսյան
