Ստալինյան ցուցակներով դատապարտված հայաստանցիների ցանկը

Ազգագրագետ Հրանուշ Խառատյանն իր ֆեյսբուքյան էջում գրել է․

«Մարտի 5-ն է: 66 տարի առաջ, 1953ի մարտի 5ին Ստալինը վախճանվեց: Ուղիղ 11 ամիս անց, 1954ի փետրվարի 4-ին ԽՍՀՄ ներքին գործերի մինիստրը զեկուցագիր ուղարկեց Խրուշչյովին այն մասին, որ հայտնաբերել են տարբեր մակարդակների պատիժների դատապարտված հազարավոր մարդկանց մասին Ստալինի և ԽՍՀՄ Քաղբյուրոյի անդամների կողմից ստորագրված որոշումներ: Այդ մարդկանց պատժի որոշումները պատրաստի ուղարկվում էին ռազմական կոլեգիային՝ այնտեղ արդեն իբրև թե պետք է լիներ դատական որոշումը: Բացարձակ մեծամասնությունը գնդակահարություն է: Ստալինը ստորագրում էր նախապես, դատարանը որոշումը կայացնում էր հետո: Հանրություն սրա մասին իմացավ միայն 80-ականներին: Բայց ՖՍԲ-ի արխիվը մինչև այսօր ըստ էության փակ է, և հայտնի չէ, թե դեռ որքան անակնկալներ կարող են լինել: 

Մեր ռուսաստանցի գործընկերները ջանացել են և այդ ցուցակները դասակարգել նաև ըստ հանրապետությունների: Ստորև ներկայավում է Ստալինյան ցուցակներով դատապարտված հայաստանցիների ցանկը: Նախապես ասեմ, որ այն ՛՛ամենածանրը՛՛ չէ, նույնիսկ մեր հարևանների ցանկերը անհամեմատ գերազանցում են Հայաստանին՝ թե բացարձակ թվերով, թե բնակչության ընդհանուր կազմի հարաբերական թվերով: Մյուս կողմից սա նաև հայերի ցանկը չէ: Ստալինյան ցուցակներով դատապարտված ԽՍՀՄ հայերի թիվն անհամեմատ մեծ է, նրանք առկա են ԽՍՀՄ բոլոր հանրապետությունների ցուցակներում: Բայց այդ ցանկի կազմումը դեռ ավարտված չէ: 
Կարծում եմ մենք սրա մասին պետք է իմանանք: Դուք այստեղ շատ ծանոթ, նաև հարազատ անուններ կտեսնեք, եթե բացեք էլեկտրոնային հասցեն: 

Ամբողջական ցանկի կարող եք ծանոթանալ այստեղ»