Ահա թե ինչպես է Ադրբեջանը իր ժողովրդին պատրաստում խաղաղության․ Արցախի ՄԻՊ

Արցախի ՄԻՊ Արտակ Բեգլարյանը ֆեյսբուքյան իր էջում ներկայացրել է Ադրբեջանի հոգևոր առաջնորդի հարցազրույցից հատվածներ և կից հետևյալ գրառումն է արել․

«Ահա թե ինչպես է Ադրբեջանը իր ժողովրդին պատրաստում խաղաղության՝ հայատյացության քաղաքականության հերթական վառ օրինակ ներկայացնելով հանրությանը:

Մասնավորապես, Կովկասի մահմեդականների վարչության նախագահ Ալլահշուքյուր Փաշազադեն օրեր առաջ հայտարարել է.

«Հայկական պետությունը, ազգը և կրոնական անձինք խաբեբաներ են, նրանք խաբում են մեզ»: 
Ամբողջ մի ազգի «խաբեբա» համարելը բացահայտ այլատյացություն է, և ուշագրավ է, որ այդպիսի հայտարարություն է անում այն առաջնորդը, ով պետք է հանդուրժողականության ու սիրո օրինակ ծառայի ադրբեջանական ողջ հասարակության համար»: