Քաղաքացու կոշիկի մեջ կասկածելի զանգված է հայտնաբերվել

Մարտի 21-ին՝ ժամը 15:50-ի սահմաններում, ՀՀ ԱՆ «Վանաձոր» քրեակատարողական հիմնարկի աշխատակիցները, իրացնելով օպերատիվ տվյալները, զննության են ենթարկել դատապարտյալ Ղ.Ս-ին կարճատև տեսակցության եկած քաղաքացի Բ.Ռ-ին:

ՀՀ ԱՆ Քրեակատարողական ծառայությունից հայտնում են, որ նրա ձախ կոշիկի տակդիրի միջից հայտնաբերվել և առգրավվել է 5.2 գր քաշով, դեղնականաչավուն, բուսական զանգված:

Հայտնաբերվածն ուղարկվել է փորձաքննության: Փաստի առթիվ նախապատրաստվում են նյութեր: