Գետն ընկած 15-ամյա երեխան մահացել է

«911» ծառայությանը մարտի 22-ին՝ ժամը 16:19-ին, ահազանգ է ստացվել,  որ Լոռու մարզի Լոռի բերդ գյուղին հարակից ձորում 15-ամյա երեխան ընկել է Ձորագետ գետը: Այս մասին  տեղեկացրին ԱԻՆ տեղեկատվության և հասարակայնության հետ կապերի վարչությունից:

Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ:

Ժամը 16:45-ին փրկարարները Աշոտ Երկաթի ամրոցին հարակից կիրճի գետափնյա հատվածում անգիտակից վիճակում (կենդանության նշանները բացակայել են) հայտնաբերել են Ա.Պ.-ին (ծնված 2004թ.):

Ժամը 17:15-ին շտապօգնության բժիշկը հաստատել է Ա.Պ.-ի մահը: