Ինչպես հաղթել Եվրատեսիլում

- Հանրայինի և Եվրատեսիլի հսկա օնլայն ռեսուրսները օգտագործել ոչ թե ամեն տարի միայն մեկ, թեկուզ՝ իրոք տաղանդավոր կատարողի փրոմոուշնի համար, այլ՝ բազմաթիվ երգահանների, կատարողների, գործիքավորողների, երաժիշտների խմբերի

- Եվրատեսիլյան մրցույթը սկսվում է մայիսից շատ ամիսներ առաջ, և երաժշտական աշխարհի ուշադրությունը յութուբային, բլոգային տարածքներում ուղղվում է դեպի պոտենցիալ մասնակիցները։ Եվրատեսիլի հեշթեգի տակ դրվող ելույթները շանս են ստանում՝ տարածման, ճանաչման, հանդիսատես գրավելու։ Մեր հանրայինը (մեր բոլորի հեռուստատեսությունը) կարող է լցնել այդ դաշտը բազմաթիվ անուններով, շանս տալ շատերին, բացել տեղական ու միջազգային հանդիսատեսի դուռը մեր ամենատարբեր ստեղծագործ երաժիշտների առաջ։ Արդեն տեսանք, որ ոչինչ չի երաշխավորում ֆորմալ հաղթանակ՝ ո՛չ ձայնը, ո՛չ կատարողական վարպետությունը։ Ուրեմն հաղթանակը պետք է այլ տեղում փնտրել։

Եվ այսպես՝ ինչպե՞ս հաղթել այս մրցույթում.

- Համարել, որ Եվրատեսիլին մեր մասնակցության նպատակը հենց մասնակցությունն է, բայց ոչ թե մի հատիկ մասնակցի, այլ՝ լայն մասնակցությունը՝ երկրի ներսում։ Հենց որ մենք կարողանանք ապահովել գրագետ, հետաքրքիր, լայն ներառմամբ ներքին մրցույթներ, համարեք, որ Եվրատեսիլում հաղթել ենք, քանի որ Եվրատեսիլը ծառայեցրել ենք մեր ներքին երաժշտական կյանքի զարգացմանը և բազմազանեցմանը։ Դա կարող է լինել խնդիր, որի համար ափսոս չեն լինի հանրային ռեսուրսները։ Դա կլինի իրական հաղթանակ, որը կախված կլինի միայն մեզնից, ու ոչ՝ ինչ-որ անհասկանալի քվեարկությունից։

Հ.Գ. Իսկ Սրբուհին իհարկե հրաշալի երգչուհի է»: