Դատապարտելի է, երբ ՀՀ վարչապետի պաշտոն զբաղեցնողը բաժանարար գծեր է քաշում. Շարմազանով

ՀՀԿ խոսնակ, ԱԺ նախկին փոխնախագահ Էդուարդ Շարմազանովն իր ֆեսբուքյան էջում գրել է․ 

Սերն ու համերաշխությունը վեհ և աստվածային գաղափարներ են: Դժբախտաբար նիկոլական իշխանությունը սիրո և համերաշխության քողի տակ ատելություն և թշնամանք է քարոզում: 
Հասարակության բաժանումն ու սորտավորումը ֆաշիզմի վառ դրսևորում է: Փաշինյանի ռեժիմը պետք է գիտակցի, որ Հայաստանի ներսում թշնամիների փնտրտուքն է եղել պատճառը հայրենիքի թուլացման: 
Անթույլատրելի է անձնական ես-ի գերադասումը համապետական շահից:

Արցախի շուրջ մտահոգիչ զարգացումներ են: Փաշինյանի ապաշնորհ քայլերի արդյունքում Արցախի բանակի ամենալեգենդար հրամանատարները այլևս բանակի կազմում չեն: Սա թուլացնում է մեր անվտանգությունը: