Ալլա Ջոևան 56,7 % ձայնով առաջատարն է Հարավային Օսիայում կայացած նախագահական ընտրությունների արդյունքում

Հարավային Օսիայի Կենտրոնական ընտրական հանձնաժողովը հայտարարել է կիրակի օրը տեղի ունեցած նախագահական ընտրությունների երկրորդ փուլի արդյունքները։ 85 ընտրատեղամասերից 74–ի նախնական տվյալներով Հարավային Օսիայի ընդդիմության առաջնորդ Ալլա Ջոևան հավաքել է ընտրողների 56,7% ձայները։ Իսկ Արտակարգ իրավիճակների նախարար Անատոլի Բիբիլյովը ստացել է ընտրողների 40% ձայները։

Ինչպես հաղորդել էր Հարավային Օսիայի ԿԸՀ  նախագահ Բելլա Պլիևան բոլոր ընտրատեղամասերի հաշվարկները դեռևս ավարտված չեն և շարունակվում են, որոնց մասին տեղեկությունները հաղորդվում են հեռախոսով։ ԿԸՀ–ն ընտրությունների վերջնական արդյունքները դեռևս չի հրապարակել։ Հաղորդում է ИТАР-ТАСС լրատվական գործակալությունը։