Հարավային Օսիայում քաղաքական ճգնաժա՞մ է հասունանում

Այսօր առավոտյան Հարավային Օսիայի խորհրդարանն արտակարգ նիստ է գումարել՝ քննարկելու կիրակի օրը տեղի ունեցած նախագահական ընտրությունների հետևանքով ստեղծված իրավիճակը։ Այս մասին հաղորդում է ռուսական Ռիա Նովոստի լրատվական գործակալությունը։

«Հարավային Օսիայի խորհրդարանն այսօր արտակարգ նիստ է գումարում տեղի ունեցած նախագահական ընտրությունների հետևանքով ստեղծված իրավիճակը քննարկելու համար։ Արտակարգ նիստի գումարման նախաձեռնողը Հարավային Օսիայի խորհրդարանի խոսնակի պաշտոնակատար Զուրաբ Կոկոևն է», – այս մասին Ռիա Նովոստի լրատվականի թղթակցին է փոխանցել խորհրդարանի փոխխոսնակը։ 

Հիշեցնենք, որ կիրակի օրը տեղի ունեցած նախագահական ընտրությունների երկրորդ փուլի նախնական արդյունքների համաձայն առավել ձայներ է հավաքել ընդդիմության առաջանորդ Ալլա Ջոևան։ Սակայն ԿԸՀ–ը դեռևս չի հրապարակել ընտրությունների վերջնական արդյունքները։