Պարզվել է Գյումրու աղբավայրում մահացած հայտնաբերված 1 տարեկան երեխայի ինքնությունը, մայրը բերման է ենթարկվել

Ոստիկանները հայտնաբերել են Գյումրիի աղբավայրում մահացած հայտնաբերված 1-ամյա  երեխայի մորը: Այս մասին հատնում են ՀՀ Ոստիկանությունից:

Ինչպես տեղեկացրել էինք, Գյումրիի Բուլվարային թաղամասի աղբանոցում օգոստոսի 31-ին մոտ մեկուկես տարեկան աղջիկ երեխայի դի էր հայտնաբերվել:

Մեկնած օպերատիվ խումբը աղբանոցում հայտնաբերել էր 1 տարեկան աղջիկ երեխայի դի՝ ձեռքերն ու ոտքերը փաթաթված կպչուն ժապավենով։

Ոստիկանության Մուշի բաժնի ծառայողների անհետաձգելի օպերատիվ-հետախուզական միջոցառումների արդյունքում, պարզվել է երեխայի ինքնությունը: Ժամը 19:00-ի սահամններում Գյուրիի Շիրակացու փողոցում ոստիկանները հայտնաբերել են երեխայի մորը և բերման ենթարկել ոստիկանության Մուշի բաժին:

Որոշ տեղեկությունների համաձայն՝ այս պահին մայրը հարցաքննվում է, նա Գյումրիի «Մուշ» թաղամասի բնակիչ է՝ ծնված 1999 թվականին։ Վերջինս հայտնել է, որ ամուսնալուծված է։ Մայրը երեխային աղբաման է նետել կենդանի վիճակում։ 

Հանգամանքները պարզվում են:

Կատարվում է քննություն: