Անելու ենք առավելագույնը Իտալիայի դեմ խաղում պատվով հանդես գալու համար. Մխիթարյան

Հայաստանի ֆուտբոլի ազգային թիմի ավագ և իտալական «Ռոմա»-ի ֆուտբոլիստ Հենրիխ Մխիթարյանը Եվրո-2020 որակավորման փուլի Իտալիայի հետ խաղից առաջ հանդիպեց լրագրողների հետ:

Խոսելով  «Ռոմա» տեղափոխության մասին ֆուտբոլիստը նշեց.

«Ամեն ինչ տեղի է ունեցել վերջին օրը` «Տոտենհեմ»-ի հետ խաղից հետո զանգ ստացա գործակալիցս և տեղեկացա, որ պետք է մեկնեմ Հռոմ և բուժզննում անցնեմ և պայմանագիր ստորագրեմ:

Շատ լավ հնարավորություն է ինձ համար, քանի որ «Արսենալ»-ում շատ հանդիպումներ չէի անցկացնում, որոշեցի  տեղափոխվել մի թիմ, որտեղ մարզիչն ավելի վստահ կլինի և ավելի շատ կoգտագործի իմ որակները»:

Հայ կիսապաշտպանը համեմատեց Իտալիայի հավաքականին, որը կար 2012 թվականին, և որը կա հիմա. «Փոփոխությունները նախորդ խաղերի համեմատ շատ են: Փոխվել է կազմը, փոխվել է մարզիչը, փոխվել է խաղային փիլիսոփայությունը:  Նախոդ հավաքականը նման չէ այս թիմին, այս թիմ սիրում է գնդակով խաղալ: Կփորձենք ամեն ինչ անել, որպեսզի վերահսկենք խաղը, չթողնենք նրանց օգտագործել իրենց լավագույն որակները: Կանենք առավելագույնը պատվով հանդես գալու համար: «Արսենալ»-ում քիչ ժամանակ էի ստանում, բայց մարզվել եմ 100 տոկոսով»,- շեշտեց նա:

Եվրոպայի 2020 թվականի առաջնության ընտրանակն փուլում սեպտեմբերի 5-ին Վազգեն Սարգսյանի անվան Հանրապետական մարադաշտում Հայաստանի ընտրանին կհյուրընկալի Իտալիայի հավաքականին: Հանդիպումը կմեկնարկի 20:00-ին: