Արմեն Գյուլբուդաղյանցը` Իտալիայի դեմ կայանալիք խաղի մասին

Հայաստանի ֆուտբոլի ազգային հավաքականի գլխավոր մարզիչ Գյուլբուդաղյանցը Եվրո-2020 որակավորման փուլի՝ Իտալիայի հետ խաղից առաջ հանդիպեց լրագրողների հետ:

«Լավ ուսումնասիրել ենք Իտալիայի հավաքականին, ուժեղ թիմ է: Մանչինին սկսել է սերնդափոխությունը: Իտալացիներն ունեն արժանի խաղացողներ ովքեր կարող են փոխարինել վետերաններին: 

Մեզ մոտ էլ սերնդափոխություն կա. մինչև 21 կամ 22 տարեկան 6-7 ֆուտբոլիստ մասնակցել են հավաքներին կամ խաղերին: Մենք կկենտրոնանանք խաղի վրա, եթե կարողանանք չեզոքացնել մրցակցի ուժեղ կողմերը, վստահ եմ՝ լավ արդյունքի կհասնենք: Ինչու՝ ոչ, եթե Իտալիայի հետ ոչ-ոքի խաղաղանք` լավ արդյունք կհամարվի»,-ասել է մարզիչը: 

Ֆուտբոլի Եվրոպայի 2020 թվականի առաջնության ընտրական փուլի հերթական տուրում սեպտեմբերի 5-ին Վազգեն Սարգսյանի անվան Հանրապետական մարզադաշտում Հայաստանի ընտրանին կհյուրընկալի Իտալիայի հավաքականին: Հանդիպումը կմեկնարկի 20:00-ին:

Մրցաշարային աղյուսակում այժմ առաջատարը Իտալիան է, որն ունի 12 միավոր: