Սահակաշվիլի. «Հակամարտությունների լուծման բանալին միասնական Կովկաս ունենալու մեջ է»
Տարածաշրջան
«Միասնական Կովկասի հայեցակարգը կլուծի տարածաշրջանի բոլոր հակամարտությունները, որոնք նախաձեռնել են կայսերական ուժերը», – այսօր Թբիլիսիում հայտարարել է Միխայիլ Սահակաշվիլին ՀՀ նախագահ Սերժ Սարգսյանի հետ կայացած համատեղ ասուլիսի ընթացքում։
«Իմպերիալիստական ուժերը մեր երկրների հետ իրենց հարաբերությունները կառաուցել են բաժանիր, որ տիրես սկզբունքի վրա, որն իր վատ հետևանքներն է թողել։ Այժմ մենք պետք է կառուցենք մեր հարաբերությունները նոր հիմքերի վրա, մեր երկրի անվտանգության ապահովման և տարածաշրջանի կայունության համար», - ասել է Միխայիլ Սահակաշվիլին։
Սահակաշվիլին ընդգծել է, որ բոլոր հակամարտությունները Կովկասում հովանավորվում են արտաքին ուժերի կողմից։ «Արտաքին ուժերի կողմից մեզ պարտադրված հակամարտություններին մենք պետք վճռականորեն տրամադրված լինենք՝ արագ ձերբազատվելու համար։ Մենք պետք է ուղղակի բանակցություններ սկսենք առանց երրորդ ուժի միջամտության», – հայտարարել Վրաստանի նախագահը։
Վրաստանի նախագահն հանդես է եկել կովկասյան միություն, ինչպես նաև տարաշրջանային տնտեսական գոտիներ ստեղծելու նախաձեռնությամբ։
«Ես կարծում եմ, որ այդ գաղափարի շուրջ նույն կերպ են մտածում տարաշրջանի մյուս երկրների ղեկավարները», – ասել է Սահակաշվիլին։
Հաղորդում է «ГРУЗИЯ Online»–ը։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
