Այսօր Թբիլիսիում անցկացվելու է Հայ-վրացական գործարար համաժողով

Ինչպես հայտնում է «Грузия Online»-ը, այսօր Թբիլիսիի «Radisson BLU Iveria» հյուրանոցում տեղի է ունենալու հայ-վրացական գործարար համաժողովի բացումը, որին մասնակցելու են Հայաստանի և Վրաստանի նախագահներ Սերժ Սարգսյանն ու Միխեիլ Սաակաշվիլին։

Բացի այդ, պլանավորված է, որ այսօր Սերժ Սարգսյանը հանդիպելու է Վրաստանի հայ համայնքի հետ և այցելելու է Թբիլիսիի Հավլաբար թաղամասում գտնվող հայկական եկեղեցի։ Հիշեցնենք, որ Սերժ Սարգսյանն իր տիկնոջ հետ երեկ երկօրյա պաշտոնական այցով ժամանել է Վրաստան։ Պաշտոնական այցի առաջին օրը ՀՀ նախագահը հանդիպումներ է ունեցել Միխեիլ Սաակաշվիլիի, խորհրդարանի խոսնակ Դավիթ Բաքրաձեի և Վրաց պատրիարք Իլյա 2-րդի հետ։