Հարվային Օսիայում իրավիճակը շարունակվում է լարված մնալ

Ինչպես հաղորդում են ռուսական լրատվամիջոցները՝ կիրակի օրը Հարավային Օսիայում ացկացված նախագահական ընտրությունների երկրորդ փուլից հետո երկրում ստեղծված իրավիճակը շարունակվում է լարված մնալ։

Ընտրությունների երկրոդ փուլում առավել ձայներ հավաքած՝ ընդդիմության առաջնորդ Ալլա Ջոևայի մոտ երեք հազար կողմնակիցներ, Օսիայի գլխավոր դատախազության՝ նախօրեին կայացրած որոշումից հետո, այն է՝ ընտրություններն անվավեր ճանաչել, դուրս են եկել Ցխինվալիի փողոցներ՝ պահաջելով ընդունել իրենց պաշտպանած թեկնածուի հաղթանակը։ Հաղորդում է «ԻՏԱՌ–ՏԱՍՍ» լրատվական գործակալությունը։

Հարավային Օսիայի ԿԸՀ–ն այսօր՝ կեսօրից հետո, հաղորդագրություն է տարածել, որ ընդունել է ընդդիմադիր թեկնածու Ալլա Ջոևայի հաղթանակը, սակայն դա չի կարող իրավական ուժ ունենալ, քանի որ նախօրեին արդեն որոշում էր կայացվել՝ նախագահական ընտրությունների արդյուքներն անվավեր ճանաչելու մասին։ Հաղորդում է «Ռիա Նովոստի» լրատվական գործակալությունը։ 

Քիչ առաջ հայտնի դարձավ, որ ընդդիմության թեկնածուի կոմնակիցները փորձել են ներխուժել ԿԸՀ–ի շենք, սակայն ոստիկանության ուժերը մեծ դժվարությամբ կանխել են։ Ըստ ոչ պաշտոնական աղբյուրների՝ հնչել են նաև կրակոցներ։