Հայաստանն ու Աջարիան կխորացնեն համագործակցությունը գյուղատնտեսության ոլորտում

Բաթումիում Հայաստանի գլխավոր հյուպատոս Գարիկ Իսրայելյանն երեկ հանդիպել է Աջարիայի գյուղատնտեսության նախարար Դոնար Սուրմանիձեին։

Ինչպես հայտնում են ՀՀ ԱԳ նախարարության մամլո ծառայությունից, հանդիպման ընթացքում քննարկվել են գյուղատնտեսության ոլորտում երկկողմ համագործակցությունը խորացնելու, գյուղատնտեսական ապրանքների վերամշակման, ինչպես նաև ապրանքաշրջանառության բարձրացման վերաբերյալ հարցեր։ Կողմերը նշել են, որ երկու կողմերի ռեսուրսները կարող են ամրապնդել Հայաստանի եւ Աջարիայի միջեւ կապերը։