Ատելության խոսքն ու նման կեղտոտ գործիքակազմը չի կարող մեզանում տեղ ունենալ․ Վահան Կոստանյան

ԱԺ նախագահի օգնական Վահան Կոստանյանն իր ֆեյսբուքյան էջում անդրադարձել է Հրայր Թովմասյանի դստեր վերաբերյալ ավագանու անդամի գրառմանը․

«Երբ ասում ենք` ատելության խոսքը տեղ չունի մեզանում, դա հավասարապես և անգամ առաջին հերթին վերաբերում է ՔՊ անդամներին: Վստահ եմ` կուսակցության ղեկավար մարմինը տեղի ունեցածին կտա անհրաժեշտ գնահատական:

Ընտանիքի անդամների թիրախավորումը, ատելության խոսքն ու նման կեղտոտ գործիքակազմը չի կարող մեզանում տեղ ունենալ»: