«Մի գիշեր տեսա Քոբի Բրայանտին, մտածում էի՝ քանիսը կուզեին նրա տեղը լինել»

Հունահռոմեական ոճի ըմբշամարտի հավաքականի անդամ, աշխարհի, Եվրոպայի չեմպիոն, Օլիմպիական խաղերի արածթե մեդալակիր Արսեն Ջուլֆալակյանը իր ֆեյսբուքյան էջում անդրադարձել է  Քոբի Բրայանտի ողբերգական մահվան դեպքին: Ներկայացնում ենք գրառումն ամբողջությամբ.

«RIP Kobe Bryant

2012-ի Լոնդոնի Օլիմպիական խաղերից հետո 2-3 օր գիշերները չէր ստացվում քնել։ Հակասական էմոցիաներն ու մտքերը թույլ չէին տալիս։ Ուրախ էի, որ ստացվել էր հսկայական աշխատանքի արդյունքում մեդալ նվաճել, բայց և տխուր էի, որ ոսկին չստացվեց,երբ այնքան մոտ էր... 
Գիշերները՝ ժամը երեքի չորսի կողմ,երբ արդեն չգիտեի էլ ինչով զբաղվել,որ մտքերս ցրվեին,գնում էի ճաշարան,որը 24 ժամ բաց էր,ու այնտեղ շփվում տարբեր մարզիկների հետ,որոնց ճանաչում էի,կամ նոր էինք ծանոթանում... 
Այդպես մի գիշեր տեսա Քոբի Բրայանտին,ինձանից մի քանի սեղան այն կողմ նստած՝ իր 2 թիմակցի հետ։
Արդեն կրկնակի Օլիմպիական չեմպիոն էր դարձել: Լեգենդար մարզիկ։ Նայում էի ու մտածում,թե քանիսը կուզեին նրա տեղը լինել... Մարզիկ,ով սպորտի պատմություն էր կերտել/կերտում, հանգիստ նստած էր,բոլոր մյուս մարզիկների պես։ Երիտասարդների համար այդ ամենը շատ ուսուցողական է։