«Լապշով դուք հաստա՞տ Լապշինը չեք». Բաքվի օդանավակայանում շփոթմունք է առաջացել

«Լապշովների ընտանեկան զույգը որոշել է այցելել արևոտ Ադրբեջան: Նրանք անգամ պատկերացնել չէին կարող, թե ինչ է իրենց սպասվում մեծ նավթի երկրում: Գալիս են Բաքվի օդանավակայան, գնում դեպի անձնագրային ստուգման կետ, իսկ այնտեղ նրանց կանգնեցնում են, վերցնում անձնագրերն ու հեռանում: Հետո հարցնում են` «Դուք Լապշիննե՞րն եք», նրանք պատասխանում են «Ոչ, մենք Լապշովներն ենք»: Ադրբեջանցի սահմանապահները վազվզում են այսուայն կողմ, ինչ-որ տեղ են զանգահարում: Իսկ զույգը չի էլ կարողանում հասկանալ, թե ինչ է տեղի ունենում: Այստեղ պետք է ընդգծել, որ նրանք երբեք չէին լսել իմ մասին, ոչինչ չգիտեին իմ` Ղարաբաղ այցելության համար Մինսկում ձերբակալության և Բաքու արտահանձնման մասին, ոչինչ չգիտեին ինձ սպանելու փորձի մասին: Ադրբեջանցիները չեն հանձնվում. «Լապշովներ, Լապշիններ... դուք հաստա՞տ Լապշինները չեք: Իսկ Լապշինը ձեր ի՞նչն է»: Դե ոչ, մենք Լապշովներն ենք, ոչ մի Լապշինի չենք ճանաչում»,- գրել է բլոգերը:

«Վերադառնալով տուն` նրանք ցանկացել են համացանցում փնտրել և իմանալ` այդ ինչ խորհրդավոր Լապշին է, որի պատճառով Բաքվի օդանավակայանում բոլոր սահմանապահները խուճապահար վազվզում և ինչ-որ տեղ էին զանգում: Նրանք հեշտությամբ գտել են իմ բլոգն ու կարդացել, թե բանն ինչումն է: Այդպես էլ մենք ծանոթացանք: Լապշովները հանդիպեցին Լապշինի հետ և լուսանկարվեցին` հիշելու համար» ,-գրել է բլոգերը: