Որևէ առնչություն չունեմ Լեոյի 54 հասցեում կատարվող շինարարական աշխատանքների հետ. Արման Սահակյան

Պետական գույքի կառավարման կոմիտեի նախկին ղեկավար Արման Սահակյանը ֆեյսբուքյան իր էջում գրառում է  արել՝ անդրադառնալով այսօր մամուլում տարածված տեղեկությանը.

«Այսօր ArmLur.am կայքում հրապարակվել է տեսանյութ՝ Լեոյի 54 հասցեում կատարվող շինարարական աշխատանքների մասին: Տեսանյութում հարակից տարածքի բնակիչներից մեկը, բողոքելով շինաշխատանքներից, անհիմն պնդում է, որ այդտեղ կառուցվող հյուրանոցն ինձ է պատկանում և որ այդ աշխատանքները կատարվում են իմ կողմից:

Անհասկանալի է, թե որտեղից նման չփաստարկված տեղեկատվություն:

Ամենայն պատասխանատվությամբ հայտարարում եմ, որ որևէ առնչություն չունեմ վերոնշյալ տարածքի հետ:

Հորդորում եմ զերծ մնալ անտեղի շահարկումներից»: