«Վրացական երազանքը» Ախալքալաքում առաջադրել է Նորիկ Կարապետյանի թեկնածությունը

«Վրացական երազանք» քաղաքական կոալիցիան Ախալքալաքում որպես մեծամասնական պատգամավոր առաջադրել է «Ջավախք» ժողովրդական շարժում կազմակերպության նախագահ Նորիկ Կարապետյանի թեկնածությունը, հաղորդում է «Իվերոնի» գործակալությունը։

Ինչպես նշել է «Վրացական երազ» քաղաքական կոալիցիայի առաջնորդ Բիձինա Իվանիշվիլին, Նորիկ Կարապետյանը քաջ ծանոթ է հայկական սփյուռքի պահանջներին, սակայն այժմ նա փոխել իր տեսակետները և դարձել է պետական մտածողության տեր մարդ։

«Նրանք ժամանակին արտահայտում էին մտքեր, որոնք մեր կոլաիցիայի անդամները չէին կիսում։ Նորիկ Կարապետյանն արդեն հայտարարել է, որ իր նախկին հայտարարությունները արվել են ներկա իշխանությունների գաղափարախոսությանն ի պատասխան: Այժմ նրա հայացքները ամբողջովին վրացական են և նրա դիրքորոշումը համապատասխանում է մեր պետությանը», - ասել է Իվանիշվիլին։

Գործակալությունը հիշեցնում է, որ բոլորովին վերջերս «Ջավախք» կազմակերպության ներկայացուցիչները հայտարարել էին, որ Վրաստանում խախտվում են իրենց իրավունքները, պահանջում էին հայոց լեզվին տալ տարածաշրջանային լեզվի կարգավիճակ Սամցխե-Ջավախք-Ծալկա տարածաշրջանում, ինչպես նաև կարգավորել Հայ Առաքելական եկեղեցու կարգավիճակև և ճանաչել վիճելի հայկական եկեղեցիները ։