ՄԱԿ-ը նախազգուշացնում է, որ Կովկասյան տարածաշրջանում խոզի աֆրիկյան ժանտախտի վտանգ կա

Կովկասյան տարածաշրջանում խոզի աֆրիկյան ժանտախտի վտանգ կա։ Այսպիսի նախազգուշացմամբ երեքշաբթի օրը հանդես է եկել ՄԱԿ-ի Պարենի և գյուղատնտեսության կազմակերպությունը (ՊԳԿ)։

«Տարածաշրջանի իշխանությունները ազգային և տեղական մակարդակում պետք է ուժեղացնեն միջոցառումները վիրուսի տարածումը կանխելու համար և պատրաստ լինել ժանտախտի հետագա բռնկումներին», - նշվում է ՊԳԿ-ի գլխավոր անասնաբույժի տարածած հայտարարության մեջ։ Ըստ նրա՝ Կովկասում վարակի վերջին դեպքերի արդյունքների ուսումնասիրությունը ցույց է տվել, որ տարածաշրջանում կարող են լինել խոզի աֆրիկյան ժանտախտի նոր բռնկումներ։

Բացի Կովկասից, վարակի տարածման վտանգ կա նաև Արևելյան Եվրոպայի և Միջին Ասիայի այլ հատվածներում, զգուշացնում են ՄԱԿ-ի փորձագետները։ Այս երկրների շարքում նրանք նշում են Մոլդովան, Լատվիան և Ղազախստանը, որոնք ունեն մեծ թվով խոզեր, սակայն «կենսաբանական անվտանգության վերահսկողությունը թույլ է»։