Սերգեյ Բագրատյանը հարցաքննվել է քրեական գործի շրջանակում․ նա վկայի կարգավիճակ ունի

«Բարգավաճ Հայաստան» խմբակցությունից նախօրեին դուրս գալու դիմում ներկայացրած պատգամավոր Սերգեյ Բագրատյանը դատավարական՝ վկայի կարգավիճակ ունի քրեական մի գործով։ Դատախազության հանրային կապերի բաժնից ԼՈՒՐԵՐ․com-ին հայտնեցին, որ նա հարցաքննվել է վկայի կարգավիճակով։ Այլ տեղեկցություններ դատախազությունից չհայտնեցին։

Հիշեցնենք, որ Բագրատյանը չի մեկնաբանել, թե ինչու է խմբակցությունից դուրս գալու դիմում ներկայացրել։ Լրատվամիջոցների տեղեկություններով՝ այդ որոշումը պայմանավորված է պատգամավորի մերձավորին առնչվող քրեական գործով, որի շրջանակում էլ հենց նա հարցաքննվել է։